احسن 32 حاجة في الحياة انك
1. تحب
2. تضحك لدرجة ان عينيك تدمع من كتر الضحك
3. تاخد حمام دافئ بعد يوم عمل شاق
4. تستقبل جواب تنتظره من فترة
5. تدخل السرير في عز البرد و تنام في الدفا على صوت المطر
6. تلاقي الجاكيت اللي كان نفسك تجيبه بنص السعر
7. تشرب كاكاو سخن و انت بردان
8. تملا البانيو و تحط فيه صابون و تنط
9. حد يقوللك قد ايه انت هايل و جميل
10. تقعد تحكي و تتكلم مع صديق
11. تصحى الصبح بدري عشان تروح الشغل المدرسة الجامعة تلاقي ان لسة قدامك ساعة تنام فيها
12. تحط ايدك في جيب الجاكيت اللي بقالك سنة ملبستوش تلاقي فيه 100 جنيه
13. تسمع اول كلمة حب في حياتك
14. تجيب الكلب او القطة اللي كان نفسك فيهم و تقعد تلعب معاهم
15. تحلم حلم جميل
16. تتمرجح على المرجيحة اللي بتحبها
17. تدخل فيلم رومانسي مع حبيبك
18. تشوف الفرحة في عيون صديق او حبيب لما تجيبله الهدية اللي كان عايزها من زمان
19. تكسب في مسابقة
20. تدخل المطبخ و تعمل الاكلة اللي انت بتحبها و تستسمتع باكلها لوحدك
21. تمسك ايد حبيبك
22. تقعد وقت الغروب وسط الغيطان و تتفرج على الساقية
23. تلاقي حد يضحكك و انت دموعك على خدك
24. تقعد على البحر وقت الشروق
25. تلاقي حد يطبطب على ضهرك و انت متضايق
26. تشرب حاجة ساقعة اوي في يوم حر قوي
27. تلاقي حد يبصلك البصة الخاصة اللي كنت بتتمناها
28. تلاقي حد يلمسك في حنية في الوقت اللي انت محتاج فيه حنيه
29. تشرب حاجة سخنة و انت واقف تحت المطر
30. تاخد راحة و تتمشى وسط الجناين و معاك ال ipod و بتسمع منير
31. حد يعمللك مفاجأة جميلة
32. تصحى الصبح من النوم كل يوم تبتسم و تحمد ربنا على يوم تاني جميل هتعيشه
Home 
Thu Feb 01, 2007 1:01 pm
